بالصور والخطوات حجز موعد تساهيل للزيارة العائلية والشخصية والأعمال عبر موقع تأشير
إذا كنت ترغب في زيارة أفراد عائلتك أو زيارة أعمال في المملكة العربية السعودية وتحتاج إلى حجز موعد تساهيل فإن موقع “تأشير” يوفر لك الفرصة لحجز موعد بسهولة ويسر.
من خلال هذا الموقع، يمكنك الوصول إلى خدمة تساهيل الزيارات العائلية التي تقدمها الحكومة السعودية بطريقة مبسطة ومن دون عناء. في هذا الدليل، سأوضح لك جميع الخطوات التي يجب اتباعها لحجز موعد تساهيل الزيارة العائلية عبر Tasheer
حجز موعد تساهيل موقع تاشير Tasheer
في البداية اكتب في محرك البحث جوجل كلمة ( Tasheer :: Welcome ) سيظهر لك الصورة التالية اختار اول نتيجة أو يمكنك الدخول مباشرة من هنا
بعدها افتح الموقع واختار اللغة العربية كما هو موضح في الصورة التالية:
وبعدين نختار “نعم “
وفي الصفحة اللي بعدها نختار “موعد محدد”
نختار الجنسية حسب جواز السفر نتأكد قبل الاختيار “ملحوظة: ده جواز مصري عشان كدة أنا اخترت مصر”
بعد كده نتأكد من نوع التأشيرة الموجودة في المستند مكتوب فيه الزيارة شخصية ولا عائلية و حسب نوعها نختار، وكمان نتأكد إذا كانت سنة متعددة ولا 3 شهور ولا 9 شهور “ملحوظة : انا عشان زيارة اعمال اخترت دي”
بعد كدة على حسب المحافظة اللي ساكن فيها، تختار القنصلية اللي في المستند اللي هي جهة قدومه القاهرة أو الاسكندرية أو السويس … وبعد كده موافق
بعد كده اكتب أي ايميلي ورقم جواز السفر ورقم الهاتف بتاعك أو رقم أي حد عندك عشان هيجي كود تدخله عشان تبدأ حجز موعد تساهيل وحطه في الخانة اللي وقفت فيها في الصورة التالية بعدها علم على ريبوت.
إذا كان المسافر واحد بس اختار فرد لو كذا واحد اختار عائلة واعمل صح والتالي
إذا معايا مستند بكتب رقم المستند ورقم السجل او الهوية إذا مش معايا بكتب صفر في كل واحد والتالي
- أبدأ بقى أملى البيانات كلها كابتل يعني حروف كبيرة، والاسم مهما كان عدده 5 او 6 بكتب الأول والتاني والتالت وآخر اسم أسيب أي اسم في النص، مثال: (محمد على محمد عبد العال محمد) بكتبت (محمد على محمد محمد) كله انجليزي كابتل.
- الجنس: حسب الجواز والحالة الاجتماعية الراجل متجوز او حسب سنه لكن المرأة لو متجوزة مكتوب اسم الزوج في الجواز لو مش موجود اكتب أخرى لو طفلة طبعًا او طالبة عازب حسب سن اللي قدامك تختار ماعدا لو وجد اسم الزوج.
- الديانة: حسب الجواز.
- التقديم بواسطة: بتشوف المستند لو مكتوب اسم الجهة الطالبة وحدة ست يبقى تعلم صح لو راجل سبها متعلمش.
- الوظيفة: في الجواز لو مفيش اكتب NO والمؤهل موجود اكتبه مش موجود اكتب NO مفيش أي منهم اكتب NO في الاثنين
- اسيب مصدره وصلة المحرم واسم المحرم فاضين
- جهة القدوم مكتوبة في المستند، حسب ما هي موجوده نختار القاهرة الإسكندرية السويس تختار
- مكان الوصول هو عنوان الكفيل تختار حسب العنوان لو العنوان مش واضح فين اختار أي حاجة
- وسيلة النقل اختار مفتوحة
العنوان ترجمه قبل ما تبدأ عشان الوقت، وبتكرره مرتين والتالتة بتكتب المحافظة اللي تبعها العنوان بتحددها أنت حسب عنوان الجواز لو مش مكتوبة
عدد مرات الدخول مكتوب في المستند عدة سفرات او حسب المستند تأكد الأول
جوا السفر بتكتبه مرة وتكتبه تاني في التانية
تختار جواز عادي دايما إلا إذا الجواز مكتوب فيه خاص او سفارة
مكان الإصدار هو جهة الإصدار والرقم موجود في الجواز
تاريخ الإصدار وتاريخ الانتهاء وتاريخ الميلاد بيانات موجودة في الجواز
ومكان الميلاد موجود في الجواز
كل البيانات دي ننقله من الجواز بشكل دقيق
بعد كده ندوس على التالي لو فردي لو عائلي هنلاقي فيه طلب تاني ندخل بيانات الجواز التاني زي ما عملنا في ده
وخد بالك من الوقت، المفروض قدامك 9 دقائق انا خلصت وباقي 4 دقائق قصادي لازم أوصل لرقم الفيزا قبل ما يخلصوا .. قدامك عداد الوقت فوق بالأزرق على الشمال.
هنا الميعاد ونعم بشوف هختار ميعاد حجز ايه وعلم عليه لو مش اول حجز بقلب لحد ما اوصله وبعدين ريبوت والتالي
بعد كده هلاقي الوقت اختار مثلا بعد 12 لو مش محدد لي وبعدين التالي وبعدين يتابع ونعم نعم ويتابع مفيش اختيارات تانية لحد ما ادخل على الفيزا
هنا قدامي 10 دقائق اول ما ادخل على لفيزا
اول حاجة اسم صاحب الفيزا اللي على الفيزا وبعد كده اكتب أي بيانات لو الهرم مثلا اختار محافظة الجيزة اختار طبعًا مصر بالإنجليزي واضيف أي ايميل وتليفون
اخر خانات دي الفيزا رقمها وتاريخها والOTP الي في الظهر وادوس MAKE يدخلني على OTP اللي بيجي على تليفون صاحب الفيزا ادخلها وادوس لو حجز هيقول ناجح لو محجزش دوس علطول تابع عشان تدخل على الفيزا تاني قبل ما يخليك ترجع تاني من الأول
ده الحجز
بكدة أكون خلصت وحجزت الموعد، يارب أكون وضحتلكم بقدر الإمكان بشكل عملي طريقة حجز موعد تساهيل ولا تنسونا بالدعاء، في حال كان لديكم أي استفسار لا تترددوا في ارساله وسنقوم بالرد عليكم .
